Les mots surlignés font l'objet d'une note
1Monsieur, me trouvant ce moyen, je nay voullu faillir à vous faire ce mot
2pour vous tesmoigner ce que jay apris despuys mes dernières lettres don[t]
3vous diray-je comme despuys deux jours, je suys de retour du lieu
4où jestois allé pour veoir larmée conduict Jehan Doste, laquelle jay
5veu deux fois en port ; et à vous dire verité, ce nest pas sy grand
6effect que jeusse estimé et quon estimoit toute l’Italie. Le cors
7de son armée e[s]t composé de soixante une galère, assavoir dix sept
8galère davant garde, à quoy commande le seigneur d’Onchenchio comme
9general des galères d’Espaigne, vingt deux gallères qui marche
10avec luy et douze galères pour son arrière garde ; et les aultres
11dix galères remoque et font escorte aux navires qui porte
12les vivres de ladite armée. Jay veu aussy lembarquement
13de six mil tudesques, lesquelz se sont chargés à Losposses sur
14les galères de Cecille. Ladite armée est venu du long de la
15coste de Tuscane, jusques à Livorne et de là, elle cest
16engoufé pour passer en Cecille. Hier au soir, jay receu lettre
17de Venise dung gentilhomme de la seigneurie mon amy,
18lequel me faisoit entendre comme le Turc, après avoir bruslé
19et sacagé lisle del Zante, cest aproché dix mil près Colfeu
20et est à Laxo. Celle des Venitiens est au Trente. Lon ne
21cest sy larmée turquesque prendra la route de la Poille,
22ou sy elle viendra en Celgoul. A Cara ce sont descouvers
23le 20 de ce moys grand nombre de cavalerie courant jusques
24aux portes, et le marquis de Rangon, lon luy dressa une
25escarmouche avec troyscens arquebusiers, mais il ne leur
26La Seigneurie de Venise a, despuys mon partement dudit lieu,
28cré un general de vingt cinq galères pour la garde de leur
29[v] golfe et jeudy dernier firent une grande parade bannières en
30leur place de Saint-Marc, par laquelle marchoit leur general porté
31par deux hommes en une chaire et ensuyvis de vingt cinq capitaines
32de leursdictz galères, tous vestus de robbe rouge, en fin ce
33nest que piassa et le Turc ne perd le temps ce pandant.
34Voila ce que je puys vous escrire sur les nouvelles qui se
35passent de par dela. Il ne reste vous dire comme je pars
36demain pour men aller à Pèse et à Sienne d où jespère estre de
37retour dans huict ou dix jours pour le plus tard que est le
38mesme temps que monseigneur de Nevers veult partir pour
39prandre la route de ses galères, et tiens quil sera bien
40tost en France. Je vous envoye ung bando lequel a esté fait
41à Romme en desdain et sur la longueur de don Jehan d’Ostre.
42Et pour navoir rien peu de merite que ce que dessus, je vous
43baize très humblement les mains et suplie le Createur vous
44donner
45monsieur, en très parfaicte santé heureuse et longue vie.
46Des bains de Lucques, ce IX de aoust 1571
47Votre très humble et très hobeyssant
48à vous faire service
49Ane maugeron